Vision BTR

  সম্পাদকীয়, ১৫ জুন ২০২১ ৪ জুন, ২০২১ তাৰিখে বিটিচি চৰকাৰে জাৰি কৰা এখন অৰ্ডাৰে সমগ্ৰ বিটিচি কঁপাই তুলিলে। অৰ্ডাৰ খন ৰ জৰিয়তে বিটিচিৰ ১৫ টা বিভাগৰ বিভিন্ন উন্নয়নমূলক আঁচনিৰ তদাৰকী আৰু নিৰীক্ষণৰ দায়িত্ব চাৰিখন জিলা ক্ৰমে ওদালগুৰি, বাক্সা, চিৰাং আৰু কোকৰাঝাৰৰ জিলাৰ জিলা উপায়ুক্তৰ হাতত অৰ্পন কৰা হ’ল। লগতে উপায়ুক্তৰ কাৰ্যালয়ৰ কৰ্মচাৰীৰ ছুটি মঁ জুৰিৰ দায়িত্ব উপায়ুক্তৰ আৰু মহকুমা কাৰ্যালয়ৰ কৰ্মচাৰীৰ ছুটি মঁ জুৰিৰ দায়িত্ব মহকুমাধিপতিৰ হাতত ন্যস্ত কৰা হ’ল। জিলা উপায়ুক্ত আৰু মহকুমাধিপতি সকলক এনেদৰে দায়িত্ব অৰ্পন কৰা ৰ ফলত বিটিচিৰ সমস্ত ক্ষমতা নাইকিয়া হৈ গ’ল নেকি তাকে লৈ ভিন্ন মহলত ভিন্ন ধৰণৰ চৰ্চা হোৱা দেখা গৈছে। বিপিএফ দলৰ প্ৰাক্তন ডেপুটি চীফ খাম্পা বৰগয়াৰী প্ৰমুখ্যে বিভিন্নজনে সংবাদমেল যোগে বৰ্তমানৰ চীফ প্ৰমোড বড়োৰ ওপৰত নানান আৰোপ জাপি দিছে। প্ৰমোড বড়োৱেও সংবাদমেল যোগে বিষিয়টোৰ ওপৰত স্পষ্টীকৰণ দিছে। এনেদৰেই আৰোপ প্ৰত্যাৰোপৰ মাজে তেই বিটিচিৰ ৰাজনীতিত এক গৰম বাতাবৰণ বিৰাজ কৰিছে। বিষয়টো কি ? বিটিচিৰ জনসাধাৰণ এতিয়ালৈ স্পষ্ট হ’ব পৰা নাই। ২০০৩ চনৰ বিটিচি চুক্তিৰ দ্বাৰা বিটিচি কৰ্তৃপক্ষই...

সম্পাদকীয়, ১৫ জুন ২০২১ দুৰ্নীতিয়ে বিটিচিৰ সমাজ ব্যৱস্থাটোকে সম্পূৰ্ণৰূপে কলুষিত কৰি পেলাইছে। তাৰ অন্যতম কাৰণ হ'ল ইয়াত প্ৰচলিত ভিলেজ কাউঞ্চিল ব্যৱস্থাটো। ২০০৩ চনৰ বিটিচি চুক্তিৰ পূৰ্বে বিটিচিত দেশৰ বাকীবোৰ এলেকাৰ দৰে (পঞ্চ আৰু ষষ্ট অনুসূচীৰ এলেকাবোৰক বাদ দি) পঞ্চায়তীৰাজ ব্যৱস্থাৰ প্ৰৱৰ্ত্তন আছিল। পঞ্চায়তীৰাজ ব্যৱস্থাটো এক ধৰণৰ তিনিখলপীয়া গণতান্ত্ৰিক ব্যৱস্থা। উন্নয়নৰ কাম কাজবোৰ গণতান্ত্ৰিক প্ৰক্ৰিয়াৰ মাজেৰে ৰাইজৰ অংশগ্ৰহণৰ দ্বাৰা আগবঢ়াই নিবলৈ এই তিনিখলপীয়া পঞ্চায়তী ৰাজ ব্যৱস্থাটো ১৯৯২ চনত সাংবিধানিক আইনৰ জৰিয়তে প্ৰৱৰ্ত্তন কৰা হৈছিল। গাওঁ পৰ্যায়ত গাঁও পঞ্চায়ত, ব্লক পৰ্যায়ত আঞ্চলিক পঞ্চায়ত আৰু জিলা পৰ্যায়ত জিলা পৰিষদৰ দ্বাৰা এই ব্যৱস্থাটো পৰিচালিত হৈছিল। আইন মতে নিৰ্বাচনৰ দ্বাৰা প্ৰতিটো পৰ্যায়ৰ সদস্য আৰু সভাপতি সকলক নিৰ্বাচিত কৰা বাঞ্চনীয়। পঞ্চ অনুসূচীৰ এলেকাবোৰত পঞ্চায়তীৰাজৰ বিকল্প হিচাপে ১৯৯৬ চনত ’পেচা‘ আইন প্ৰৱৰ্ত্তন কৰা হৈছিল। ষষ্ট অনুসূচীৰ এলেকাবোৰ নিজা নিজা ভিলেজ কাউঞ্চিল ব্যৱস্থাৰে বহু আগৰ পৰাই চলি আছিল। ২০০৩ চনৰ বিটিচি চুক্তিৰ পিছত চাৰিখন জিলা ক্ৰমে ওদালগুৰি, বাক্সা, চিৰাং আৰ...